Kontura

RRETH NESH

Kompania

Për Kontura, dritarja është më shumë se një kornizë me xham. Ajo paraqet lidhjen vizuale në mes botës së jashtme dhe asaj të brendshme. Si qenie njerëzore na tërheq drita dhe ngrohtësia që na vjen përmes saj. Ajo paraqet shëndet, rritje dhe guxim për të ndryshuar. Pikërisht, kjo e fundit determinoi Konturën për t’i hyrë këtij investimi, të pashembulltë në rajon. Teknologjia e fundit, etja për të sjellë risi dhe ekipi i motivuar e kanë ravijëzuar Konturën.
Kontura ofron një gamë e plotë dizajnesh të profileve 70 mm dhe 85 mm të dyerve dhe dritareve përmes procesit të sofistikuar të ekstruzionit. Ky proces përfshin shkrirjen e granulave (lëndës së parë të plastikës), formësimin e saj përmes kallëpeve në profile të vazhdueshme dhe më pas prerjen e tyre në gjatësi të ndryshme.
Ne jemi krenarë për atë që kemi ndërtuar deri tani. Por marrëdhënia që kemi ndërtuar me partnerët tanë është ajo çfarë ne vlerësojmë më së shumti. Është pikërisht kjo qasje që na ka mundësuar të krijojmë një sinergji mes nesh, e cila ka rezultuar në rritjen tonë të përbashkët.

Vlerat

Pasioni

Për ne prodhimi i profileve nuk është punë, por pasion. Ky tipar na frymëzon si dhe na e fuqizon produktivitetin.

Përsosshmëria

Një punë e përkryer vërehet te detajet. Teknologjia më e avancuar i vjen në ndihmë Kontura-s për t’i krijuar produktet në formën më të mirë.

Cilësia

Jetëgjatësia e profileve është një vlerë shtesë e që e bëjnë kompaninë Kontura prodhuesin kryesor të profilit të dritareve PVC në rajon e më gjerë.

Kompentenca

Prodhimi kërkon shkathtësi. Shkathtësia kërkon kompentencë, ndërsa kompetenca në bën të përgjegjshëm për ta jetësuar vizionin tonë.

Respekti

Për Kontura-n nuk ka klient të vogël apo të madh. Të gjithë meritojnë respektin e duhur. Është ky element që mbjell besimin e ndësjellë, sigurinë dhe mirëqenien.

Përkushtimi

Besnikëria e plotë ndaj kompanisë dhe puna me pasion përmbyll gamën e vlerave të Kontura-s. Këtu çdo punëtor vlerësohet dhe shpërblehet edhe për inputin më të vogël që e jep.

Menaxhmenti

Veton HYSKA

CEO

Arrim HYSKA

Kryetar i bordit

Yll Beqiri

Drejtor i shitjes

Fidan Rizvanolli

Drejtor i prodhimit

Avantazhet e Kontura's

Gamë e gjerë.
Opcione pa fund për profilet më të kërkuara 70 mm dhe 85 mm.
Eficientë në energji.
Secili sistem i profileve është dizajnuar për t’i përmbushur kushtet e ndërtimit sa i takon emitimit të CO₂.
10 vite garanci për profilet e bardha
15 vite garanci për profilet e laminuara.